Пандемия кезінде азық-түлік бағаларының едәуір өскені анық байқалды. Халық азық-түлік өнімдерін қолжетімді бағада сатып алғысы келеді. Осы ретте ауылшаруашылығы өнімдерінің жәрмеңкесін ұдайы ұйымдастырып отыру — оң бастама екені байқалады.
«Ауылым — алтын бесігім» атты облыс аудандарының жобасы аясында сенбі күні Құланда Байзақ ауданының тауар өндіруші шаруалары мен кәсіпкерлері барып жәрмеңке өткізді. «Әулиеата феникс» жеке шаруашылық серіктестігінің тауық еті ассортименті, сүт және шұжық өнімдері, сиыр мен қой еттері, балық, көкөністер төмен бағада сатылды.
Көкдөнен ауылдық округіндегі «Бақдәулет» шаруа қожалығының картоп өнімі жәрмеңкеде 90 теңгеден сатылған болатын.Базар бағасынан едәуір төмен болғандықтан аудан тұрғындары бұдан басқа да өнімдерді жәрмеңке барысында арзан бағамен сатып алды.
