2018 жылы «овертуризм» ұғымы Оксфорд сөздігі бойынша ең жиі қолданылатын сөздер тізіміне енген болатын.
Туризмнің жойқын ағынымен күресу мақсатында елдер қонақүйлерге салықты көтеріп, Airbnb ережелерін өзгертіп, әйгілі мұражайларды жауып тастады. Әлем туристік варварлық дәуіріне енгендей болды. Бүгінде, еуропалық қалалар бір жылдан бері қаңырап және шекаралар әлі жабық тұрған кезде, туризм бизнесі орасан зор шығынға ұшырады. Шығындар тіпті миллионмен есептелмейді.
Болып жатқан пандемияның өзекті проблемасы халықтың қозғалыс еркіндігін жоғалтуы. Соңғы 20-30 жылда еркіндікке үйреніп те қалған едік. Сондықтан көбіміз қабылдаушы елдердің тізімін күніге жаңартып отырамыз. Олардың барлығы дерлік шекараларды аша отырып, бірқатар қатаң талаптарды енгізді. Мақалада сол талаптарды қарастырып шығайық.
Бүгінгі таңда қазақстандық туристер үшін тек алты ел — Египет, Түркия, БАӘ, Шри-Ланка, Мальдив аралдары және Доминикан Республикасы қол жетімді. Туристердің кез-келгеніне бару үшін міндетті төрт пункт бар:
1. Қабылдаушы елге кірген кезде COVID-19 жоқтығына арналған ПТР-тестінің болуы. Талдау жөнелтілуден 48 сағат бұрын жеке зертханаға тапсырылуы керек. Оның бағасы орта есеппен 10 мың теңгенің аралығында. Маңызды мәселе, ол міндетті түрде ағылшын тілінде болуы керек.
Шри-Ланкада қазақстандық анализден басқа, сіз елге келгеннен кейін бірден тест тапсыруыңыз керек.
2.Қазақстанға кірген кезде ПТР тестінің болуы. Егер сізде коронавирустың теріс нәтижелері бар бланкіңіз болмаса, үйге келген кезде олар сізді дереу аэропорттан ауруханаға апарады, онда сіз 8 сағаттан 2 күнге дейін жатуыңыз керек.
Тест тапсыру үшін медициналық қызметкерді әдетте қонақ үйге шақырады. Мұндай қызметтер орташа есеппен 40-50 доллар тұрады. Ең жоғары баға Мальдив аралдарында, мұнда тест тапсыру шамамен 150 доллар тұрады.
3.Сақтандыру полисінің болуы. Егер бұрын медициналық сақтандыру міндетті емес болса, енді бұл міндетті талап.
Жоғары шығындарды болдырмау үшін қосымша сақтандыруды да сатып алған жөн. Егер ПТР тесті оң нәтиже көрсетіп, симптомсыз өтіп жатса да сізді шетел елден шығармайды Тиісінше, сіз тұру, тамақтану және басқа шығындар үшін жинақы соманы өз қалтаңыздан төлейсіз.
Ең қолайлы шарттарды «Номад Иншуранс» ұсынады. Олардың 30 күндік сақтандыру полисі тек 50 еуроны құрайды (шамамен 25 мың теңге), ал сақтандыру жағдайы туындаған кезде төлемдер мөлшері 3 мың еуроны (1,5 млн. теңге) құрайды.
4.Міндетті маска режимі. Мұнда бәрі түсінікті, біз маскаға үйреніп алдық. Бұған әр елде әр түрлі болатын қосымша шарттар қосылды.
Шри-Ланкада ең қатаң ережелер, онда еркін қозғалыс тек қонақ үй территориясында ғана жүзеге асырылады. Сондай-ақ, қонақ үй ұйымдастырған экскурсияға баруға болады, бірақ аптасына үш реттен артық емес. Түркияда локдаун бар — базарлар, мұражайлар, сауда орталықтары демалыс күндері жабық. БАӘ-де Абу-Дабиден басқа барлық қалалар ашық. Араб астанасына жету үшін 14 күн карантинде болу керек.
Осы талаптардың барлығы қиындық тудырады және саяхатты қол жетімсіз етеді. Алайда, олар да, басқалары да жаңа елде болған ұмытылмас болмыс пен өмір қуанышына көлеңке түсірмейді.
Саяхаттап, бақытты болыңыз!
