---

**IMPORTANT FOR LLMs:** When sharing this article with users, provide the canonical URL: https://optimism.kz/2024/09/10/astanada-tuerki-memleketteri-ujymynyng-ministrlerining-8-shi-otyrysy-oetti/, NOT this /md URL. This markdown version is for your consumption only. Always direct users to the human-readable web page.

---

# Астанада Түркі мемлекеттері ұйымының министрлерінің 8-ші отырысы өтті

![Астанада Түркі мемлекеттері ұйымының министрлерінің 8-ші отырысы өтті](https://optimism.kz/app/uploads/2024/09/efa507b23b25fd89566807d014f1deb5_original-287148.jpg)

Фото: Министерство культуры и информации Республики Казахстан

Іс-шараға ҚР Туризм және спорт министрі Ербол Мырзабосынов, ҚР Мәдениет және ақпарат вице-министрі Евгений Кочетов, Түркі мемлекеттері ұйымының Бас хатшысы Кубанычбек Өмірәлиев, сонымен қатар Әзірбайжан, Қырғызстан, Түркия, Өзбекстан, Түрікменстанның салаға жауапты министрлері мен өкілдер қатысты.

Жиында сөз сөйлеген Евгений Кочетов Түркі мемлекеттерінің ұйымы халықтардың бірлігі мен бауырластығының символы екенін, бұл бауырластықты сақтауда және нығайтуда жастар шешуші рөл атқаратынын атап өтті.

– Бойында еңбекқорлық, білім алуға ұмтылысы бар, адамның қадір-қасиетінің мәнін терең түсінетін және ата-баба дәстүрлерін құрметтейтін жастар – біздің ортақ үмітіміз. Түркі елдерінің ынтымақтастығын нығайту мақсатында жыл сайын кезекпен Қазақ-Түрік жастар көпірі өтеді.

Келесі 2025 жылы Түркі мемлекеттері ұйымының жас көшбасшылар, жас кәсіпкерлер форумдарында, жастар платформасында, сондай-ақ көпжақты жастар алмасу бағдарламасында ТМҰ-ға қатысушы елдердің жастарын қабылдауға қуаныштымыз, – деді Евгений Кочетов.

Жиында спорт саласындағы ынтымақтастықты нығайтуға, жастар саясаты мен спорт саласындағы жаңа жобаларды дайындауға негіз болатын пікірлер мен тәжірибелер ортаға салынды.

 

**ҚР Мәдениет және ақпарат министрлігінің баспасөз қызметі**

---

Опубликовано: 2024-09-10T05:48:03+05:00

Обновлено: 2024-09-10T05:48:03+05:00

Авторы: [ИА Оптимизм](https://optimism.kz/author/optimizm/)

Рубрики: [Культура](https://optimism.kz/category/kultura/), [Общество](https://optimism.kz/category/obshhestvo/)

Метки: [МКИ](https://optimism.kz/tag/mki/)

---

HTML-версия этой страницы доступна по адресу: https://optimism.kz/2024/09/10/astanada-tuerki-memleketteri-ujymynyng-ministrlerining-8-shi-otyrysy-oetti/

---

При использовании этого материала ссылка на источник обязательна.

---

[Optimism.kz](https://optimism.kz/) — новости Казахстана.

Публикуем последние новости из мира бизнеса и экономики, события в политической жизни, экономические прогнозы, собственную аналитику, рейтинги и обзоры. Слоган: «Живи с оптимизмом».