Фото: Бюро национальной статистики
Тамыздың алғашқы 10 күнінде Ұлттық ауыл шаруашылығы санағының онлайн кезеңіне шамамен 133 мың респондент қатысты. Оның ішінде 64 мыңы – бау-бақшасы бар немесе мал ұстайтын үй шаруашылықтары, ал 70 мыңға жуығы – мал, егін немесе балық шаруашылықтарымен айналысатын ауыл шаруашылығы құрылымдары.
Ұлттық ауыл шаруашылығы санағы Қазақстанда 1 тамызда басталды. Бірінші, онлайн кезең 31 тамызға дейін жалғасады. Барлық санаттағы агро мекемелер санақтан sanaq.gov.kz сайтында өтуі тиіс. Екінші кезең 20 қыркүйектен 20 қазанға дейін болады. Ол кезде интервьюерлер үй шаруашылықтарына барып, сауалнама жүргізеді.
Санақ БҰҰ Азық-түлік және ауыл шаруашылығы ұйымының (ФАО) 10-шы Дүниежүзілік ауыл шаруашылығы санақтары бағдарламасы аясында өткізіліп жатыр. Оның негізгі мақсаты – аграрлық саланың жай-күйі жайлы толық ақпарат жинау.
Барлық сұрақ бойынша тәулік бойы жұмыс істейтін 1446 байланыс орталығына хабарласуға немесе sanaq.gov.kzсайтындағы чат-ботқа жазуға болады.
