Қазақша
Жауынгерлік даярлық бағдарламасын ескере отырып, әскерлер түрлерінің бас қолбасшыларымен бірлесіп патрульдеуді ұйымдастыру жөніндегі жоспар әзірленіп келісілді. Ол күн сайын 42 бағытта қызмет өткеруді көздейді.
Патрульдеу бағыттары криминогендік жағдайды, әскери бөлімдердің орналасу орындарын, әскери қызметшілер мен олардың отбасылары мен олар тұратын аудандарды, базарлар, дүкендер, аялдама кешендері сияқты жиі баратын қоғамдық орындарды және тағы басқа жағдайларды ескере отырып әзірленді.
Шұғыл жағдайға байланысты «ауыспалы» кесте бойынша патрульдеу маршруттарын ауыстыру да жоспарлануда. Мысалы, Алматы гарнизонында 12 патрульдеу бағыты әзірленді. Күн сайын сегіз бағытты қамту, ал қалған төрт бағытты басқа маршруттардан патрульдерді алып тастау есебінен, сондай-ақ қоғамдық тәртіптің бұзылуы туралы ақпараттың түсуіне қарай ұйымдастыру жоспарланып отыр.
Әрбір патрульдеу алдында әскери қызметшілермен және әскери полиция қызметкерлерімен нұсқаулық жүргізіледі.
2019 жылғы қазаннан бастап жарты жыл ішінде әскери полиция органдарының қызметкерлері, Қарулы Күштер әскери бөлімдерінің әскери қызметшілері ІІМ бөлімшелерімен бірге еліміздің тоғыз қаласында, атап айтқанда Ақтау, Алматы, Аягөз, Гвардейск, Қапшағай, Сарыөзек, Семей, Талдықорған және Өскемен қалаларында бірлесіп патрульдеуді жүзеге асырды.
Төтенше жағдай режимін енгізгеннен кейін патрульдеуші қалалардың саны жиырмаға дейін артты.
Әскери патрульдердің тәжірибесі қоғамдық тәртіпті қамтамасыз етуге бағытталған. Төтенше жағдай режимін енгізгенге дейін патрульдеудің күшімен 113 құқық бұзушылық анықталды, 19 наурыздан бастап қоғамдық тәртіпті бұзудың 1225 фактісі және 35 қылмыстық құқық бұзушылық тіркелді.
